Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳаёт ва фаъолияти ибратангези собиқадори милитсия

186

Бо ёдоварӣ аз айёми ҷавонӣ ва рӯзгори сахту мушкилоти пушти сар намудаи худ, собиқадари мақомоти милитсия подполковники мустаъфӣ Асадов Неъматулло, аз фазои сулҳу осоиштагии кишвари азизамон Тоҷикистони соҳибистиқлол, ки бо заҳматҳои шабонарӯзии фарзандони барӯманди миллати тоҷик, махсусан Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам эмомалӣ Раҳмон ба даст омадааст, дар оғӯши фарзандону наберагон даврони пирӣ ронда, шукрона мекунад.
Асадов Неъматулло 29-уми июни соли 1938 дар ноҳияи Рӯдакӣ ба дунё омада, баъд аз адои хизмат муддати 28-сол дар вазифаҳои гуногуну пурмасъули Вазорати корҳои дохилии Ҷумҳурии Тоҷикистон фаъолият намудааст.

187

Мавриди зикр аст, ки аз ҷониби Раёсати ВКД дар шаҳри Душанбе ва Шӯрои собиқадорони раёсат пайваста аз ҳолу аҳволи собиқадорони милитсия бохабар гардида, дар ғаму хурсандии онҳо шарикӣ мекунанд. Асадов Неъматулло, ки ба синни мубораки 80 қадам гузошт, бо собиқаи кории 28-солаи худ дар мақомоти корҳои дохилӣ аз таҷриба ва донишу малакаи касбии худ пайваста ба насли ҷавони милитсия тавсияҳои муфид медиҳад.
Ҳафтаи сипаригардида, бо дастуру супоришҳои сардори Раёсати ВКД дар шаҳри Душанбе генерал-майори милитсия Назарзода Шариф Раҳмон, кормандони милитсияи пойтахт дар якҷоягӣ бо Шӯрои собиқадорон ба дидорбинии номбурда рафта бо дастагул ва дигар тӯҳфаҳои хотирмон, Асадов Неъматуллоро ба 80-умин солгарди умраш табрику муборакбод гуфтанд.
Воқеан метавон гуфт, ки собиқадорони мақомоти милитсия мояи ифтихор ва такягоҳи насли ҷавони милитсия ба шумор рафта, бо тавсия ва раҳнамоиҳои худ дар пешбурди фаъолият ба кормандони ҷавон кӯмак мерасонанд.
Бояд тазаккур дод, ки аз ҷониби роҳбарияти Раёсати ВКД дар шаҳри Душанбе бо дарназардошти имқониятҳои мавҷуда, собиқадорони милитсия ва оилаҳои он кормандоне, ки ҳангоми адои хизмат фавтидаанд, дар арафаи таҷлили ҷашну маросимҳои миллӣ, аз ҳолу аҳволи онҳо бохабар гардида, кумакҳои молиявию озуқаворӣ расонида мешавад.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика